Тыдзень роднай мовы
У свеце налічваецца больш чым шэсць тысяч моў. Адны з іх вабяць сваёй прыгажосцю і непаўторнасцю, другія – мілагучнасцю. Сярод гэтага мноства моў ёсць адна асаблівая – родная, беларуская мова.
З 16 па 22 лютага 2021 года ў нашай ўстанове адукацы праводзіцца Тыдзень роднай мовы.
Настаўнікі, навучэнцы школы акунуліся ў свет роднай беларускай культуры. У мерапрыемствах тыдня прынялі ўдзел вучні 2-11 класаў. Разнастайнасць праграмы дазволіла кожнаму вучню знайсці занятак па душы. З планам тыдня вучні былі пазнаёмлены ў першы дзень.
Кожны дзень праводзіцца тэматычныя флэшмобы, якія ўвасабляюць паняці “Гісторыя”, “Радзіма”, “Асоба”, “Мова”, “Традыцыя”.
У школьнай бібліятэцы арганізавана выстава “Чытаем разам, чытаем па-беларуску”, на якой былі прадстаўлены цікавыя кнігі на роднай мове. Вучні змаглі наведаць тэматычныя мерапрыемствы ў раённай бібліятэцы.
Састаўной часткай усіх мерапраыемстваў мерапрыемстваў стаў удзел вучняў 3-11 класаў у рэспубліканскім дыстанцыйным конкурсе “Буслік”.
Лагічным завяршэннем тыдня стане флэшмоб “Традыцыя”, у рамках якога вучні яшчэ раз успомняць традыцыі і звычаі беларускага народа.
Мерапрыемствы тыдня дазволілі школьнікам зноў убачыць і адчуць наколькі багатая і прыгожая, мілагучная і самабытная беларуская мова.
